Drenta den e Mundu Digital

Den un búskeda aki, studiantenan lo bai riba un biahe pa deskubrí e gran variedat di oportunidatnan i aktividatnan emoshonante ku ta spera nan den e mundu digital. Sinembargo, nan lo eksplorá e importansia tambe di nabegá e mundu aki di un manera seif, mirando ku tin posibel peligernan skondí den tur skina.


Pa medio di diskushonnan kolaborativo, studiantenan lo investigá preguntanan manera: Kon por saka e mihó di e oportunidatnan aki? Kiko ta algun di e kosnan mas fasinante ku nos por hasi online? I mas importante ku tur, kon nos por identifiká i trata e riesgonan ku ta bin ku esaki? Nan lo dokumentá lokual nan deskubrí i e strategianan den un pasaporte di prueba, ekipando nan ku komprondementu ekstenso di loke ta spera nan ora nan investigá e mundu di HackShield aun mas profundo.


E búskeda aki ta sirbi komo introdukshon esensial pa no solamente e búskedanan di klas despues, sino tambe pa e wega individual, preparando e esenario pa un eksperensia di siñansa transformativo den e mundu di siudadania digital i seguridat sibernétiko.


Metanan pa siña

Na final di e lès, studiantenan lo por:

  1. Rekonosé e multitut di oportunidatnan disponibel den e mundu online i komprondé kon por hasi uso di nan.
  2. Identifiká posibel peligernan inherente den e mundu online i desaroyá strategianan pa nabegá nan di un manera seif.
  3. Komprondé e propósito di HackShield i su ròl den promové seguridat online i seguridat sibernétiko.
  4. Definí e konsepto di un Agente Sibernétiko i spliká nan responsabilidatnan.
  5. Interaktuá independiente ku HackShield pa sigui desaroyá nan abilidatnan di siudadania digital.
  6. Rekonosé e eksistensia di lèsnan adishonal ku ta kubri tópikonan sibernétiko spesífiko i komprondé nan importansia.
  7. Kultivá entusiasmo pa eksplorá e mundu online i partisipá den e programa di HackShield.

Puntonan

E búskedanan di klas ta gana puntonan. Na nivel individual, pero tambe komo un klas. E puntonan ku studiantenan gana individualmente ta determiná nan posishon riba e "scoreboard" di HackShield. Pa kada búskeda di klas kompletá, kual por wòrdu hungá sólamente via un kuenta di un dosente, abo komo un dosente lo haña un kódigo. Studiantenan por hinka e kódigo aki den nan kuenta individual i risibí puntonan i un eskudo. Nan por hañá esakinan den nan kuenta di HackShield.

Vidionan ta bini pronto