Kompartí informashon

Den e búskeda di klas aki studiantenan ta eksperensiá kon difísil e por ta pa evaluá ki ora i ku ken si òf ku ken bo no ta kompartí informashon kuné, potrètnan òf vidionan (online). Durante e búskeda, inkluyendo un eksperimento den klas, studiantenan ta deskubrí e konsekuensianan di kompartí informashon. Nan ta siña tambe dikon nan mester pensa ku koutelo tokante kiko otro hende por hasi ku e informashon ey. Nos ta rekonosé e echo ku kada persona tin diferente deseonan i límitenan ora ta trata di publiká i kompartí potrètnan òf vidionan online. Ta importante pa pone bo mes den e sapatunan di un otro persona, i pa tene den konsiderashon ku e persona ey por ta den un posishon kompletamente diferente. Pensa promé ku bo publiká.


(Preparando pa e tópiko di Sexting)

Meta pa siña

  1. siña dikon ta importante pa ta kouteloso riba medio sosial.
  2. bira konsiente di e bentahanan i desbentahanan di medio sosial.
  3. pensa den kua situashon informashon no ta deseá, i sa ku ken por papia di dje.

Puntonan

E búskedanan di klas ta gana puntonan. Na nivel individual, pero tambe komo un klas. E puntonan ku studiantenan gana individualmente ta determiná nan posishon riba e "scoreboard" di HackShield. Pa kada búskeda di klas kompletá, kual por wòrdu hungá sólamente via un kuenta di un dosente, abo komo un dosente lo haña un kódigo. Studiantenan por hinka e kódigo aki den nan kuenta individual i risibí puntonan i un eskudo. Nan por hañá esakinan den nan kuenta di HackShield.

Informashon detayá pa e búskeda di klas aki

  1. Laga studiantenan papia ku nan mayornan tokante publiká portrètnan.